බ්ලොග් සතිය

සුභ දවසක් කියලම පටන් ගන්න යන්නේ.

බ්ලොග්, ෆේස්බුක්, ටිවීටර්, ගූගල් බස්. කුවුරුත් දන්න දේවල් වෙලා නේ දැන්. අපේ සිංහල දැන් මේ හැම එකේම ව්‍යාප්ත වෙලා. කොපමණක්ද කියනවනම් අපේ අය දැන් ගූගල් බස් ටීම් එකේ ඔෆිශියල් බස් වල යන්නෙත් සිංහල යුනිකෝඩ් වලින්. ගූගල් කාරයත් ඒක දන්නවා කියන්නේ. නැතිනම් මාතෘකාවට පටහැනියි කියල බස් එක කඩා දමයිද? දැන් ගුගල් සිංහල ඉංගිරිසි ට්‍රාන්ස්ලේටරයක් හදනවා කියන්නේ. අනේ මම නම් දන්නේ නෑ මේ කතා ඇත්තද බොරුද කියල. කොහොම උනත් කලෙක ඉහලම තලයක පැවති බ්ලොග් කරනය දැන් තරමක් පහලට ඇවිත් කියල ඇතැම් අය කියනවා. මේ බුකියෙන් (ෆේස්බුක්) හා බස් එකෙන් බ්ලොග් කරණයට බලපෑම් එල්ල වෙලාලු.

එහෙම එකක් තියෙනවද නැද්ද කියන්න නම් මම දන්නේ නෑ. මම නම් මගේ පොස්ට් ආපු පිළිවෙලටම දාගෙන යනවා. ඔය දෙකෙම මමත් ඉන්නවා. ඒත් මගේ බ්ලොග් පොස්ට් ඒ කිසිවකින් ප්‍රමාද කරලා නම් නෑ.

ඒ කෙසේ වෙතත් බ්ලොග් කරණයට නව පණක් දෙන්න අපේ වැප් බ්ලොග් සතියක් ප්‍රකාශයට පත් කරල. ඒ කියන්නේ අද සිට 31 වෙනි දින දක්වා එක දිගට සතියක් දවසට එක බැගින් පොස්ට් 7ක් දාන්න. ඉතින් මමත් හැකි ආකාරයෙන් පොස්ට් ටිකක් දාන්න හිතුවා. අඩුම වශයෙන් දිනක් හැර දිනක් වශයෙන් පොස්ට් 4ක් වත් මම දානවා මේ සතියේ. බ්ලොග් කරණය නිසා අපි බොහෝ දෙනෙක් දැන හඳුනා ගත්තානේ. ඉතින් අපි කොහොමද මේ බ්ලොග් අමතක කරන්නේ. 

එහෙමනම් අපි කට්ටියම පුළුවන් තරමින් මේ සතියේ පොස්ට් කරමු. හැබැයි ඉතින් කියවලා වතුර පාරක් ගහල යන්නත් (කමෙන්ට් එකක් දාල යන්න) කට්ටිය ඉන්නවනම් තමා හොඳ.

ඔන්න මගේ පළමු පොස්ට් එක තව හෝරා කීපයකින් දානවා.

එහෙනම් ගිහින් එන්නම්.

සුභ දවසක්!!!!