Computer Hardware පාඩම Peripherals

Computer Hardware පාඩම ඕනෑවටත් වඩා කල් ගත්තා. ලොකු කණගාටුවක් දැනෙනවා මේක ලියන්න දවසින් දවස කල් යන නිසා. රේඩියෝවටත් වැඩි අවධානයක් දෙන්න වීම පාඩම් නොලියවෙන්න තව හේතුවක්. ඒ නිසා මෙම පාඩම් මාලාවේ මුල් කොටස අද පාඩමෙන් අවසන් කරන්න තීරණය කළා. අද අප කතා කරන්න යන්නේ Peripherals ගැන බොහෝම කෙටියෙන්.

මොනවාද මේ  Peripherals කියන්නේ.

Computer Peripherals යනු පරිගනකයේ ඇතුලත කොටස් නොවන පරිගනකයට සම්බන්ධ කර ඇති උපාංග වේ. මේවාට Input/Output devices ඇතුළු ලොකු පරාසයක උපාංග ගණනාවක් අයත් වේ. ලොකු විස්තරයක් නොකියා කෙටි සටහනකින් මේවා හඳුන්වා දී මෙහි දෙවන කොටසට යන්න තීරණය කළා. එහෙම නැතිනම් මේ පාඩම් මාලාව ලියවෙන එකක්ම නැති වේවි.

පළමුව අප ප්‍රධාන Output devices එකෙන් පටන් ගමු.

මොනිටරය Monitor
පරිගනකයක ප්‍රධානම Output devices එක මොනිටරයයි. විවිධ මොනිටර් භාවිතයේ පවතිනවා. ඒවා අතරින් කලින් බහුලවම භාවිතා වූයේ CRT Monitor. මේ නම සැදී ඇත්තේ Cathode Ray Tube යන වචනය කෙටි වීමෙන්. මෙහි රූපය සෑදෙන්නේ ඉදිරිපස තිරය හා පසුපස ඇති සන්නායකය අතර ඇතිවන අධි වෝල්ටීය තාවයෙන් නිකුත් වන කැතෝඩ කිරණ ඉදිරිපස ඇති රසායන ආලේපිත තිරයේ වැදීමෙන් නිකුත්වන වර්ණ වත් ආලෝක ලප වලින්. මේවායේ වර්ණ ඉතා පැහැදිලි ස්වභාවික වර්ණයට බොහෝ ආසන්න තත්වයේ පවතිනවා.

රූපය 01

මේවායේ ඇති අවාසිය වැඩි විදුලි පරිභොජනය, වැඩි ඉඩක් ගැනීමයි. මේවා දැන් භාවිතය ක්‍රමයෙන් අඩුවන අතර ඒ අඩුව පුරවන්නේ LCD Monitor.

රූපය 02

රූපය 03

LCD මොනිටරයක (වර්ථමානයේ නම් භාවිතා වෙන්නේ TFT LCD) හෝ LED මොනිටරයක රූපයක් ඇති වීමේ ක්‍රමය කැතෝඩ කිරණ ඩිස්ප්ලේ එකකට වඩා වෙනස්. මෙහි රූපය ජනනය වන්නේ Liquid crystal වලිනි. මේවාද කැතෝඩ කිරන නල මෙන්ම කුඩා පික්සල් ගණනාවකින් සැදී ඇත. ආකාර දෙකක LCD Screen ඇත.
1 Active Matrix
මේවායෙන් ආලෝකයක් පිට නොවේ. එනිසා සෑදෙන රූපය අපට නොපෙනේ. එම රූපය අපට දර්ශනය වීමට නම් පසුපසින් ආලෝක ප්‍රභවයක් සැපයිය යුතුය. මේ සඳහා කාලයක්ම භාවිතා කලේ ප්‍රතිදීපන ආලෝකයයි (Fluorescent light). මෙය ඔබ නිවසේ භාවිතා කරන ටියුබ් ලයිට් හෝ CFL බල්බ් එකක ඇති ආකාරයේම ආලෝක ප්‍රභවයකි. නමුත් වර්ථමානයේ ඒ සඳහා භාවිතා වන්නේ LED බල්බයන්ය. සමහර විට ඔබ දැක ඇති විදුලිපන්දම් සඳහා භාවිතා කරන සුදුපැහැ ආලෝකයක් නිකුත් කරන LED. වර්ථමාන LED screen වලද භාවිතා වෙන්නේ මේ හා සමානම ආලෝක ක්‍රමයකි. අද බොහෝදෙනා කතා කරන විට LED මොනිටර් ලෙස හඳුන්වන්නේ මෙම මොනිටර්ය. රූපවාහිනී සම්බන්ධයෙන්ද එසේමය. වෙනසකට ඇත්තේ Fluorescent වලට වඩා LED අඩුවෙන් විදුලිය පරිහරණයයි. ඒ නිසාම විදුලි පරිභෝජනය අතින් වැඩිම වාසිදායක LED LCD screen භාවිතා කිරීමයි.

2 Passive Matrix Display
මේවායේ ආලෝක ප්‍රභවයක් නැත. ඔබ නිතර දැක ඇති ඉලෙක්ට්‍රොනික ඔර්ලොසු, කැල්කියුලේටර් ආදියේ ඇත්තේ මෙවැනි ස්ක්‍රීන්ය

රූපය 04

TFT යනු වෙන් හඳුන්වන්නේ Thin film transistor liquid crystal display යන්න කෙටියෙනි.
මේ අනුව පරිගනකයට අඩුම විදුලි ප්‍රමාණයකින් භාවිතා කල හැකි වන්නේ LED LCD මොනිටර් වේ. එහෙත් වඩාත් ස්වභාවික වර්ණ ලබාගැනීමට නම් තවමත් ඉදිරියෙන් ඇත්තේ CRT මොනිටර් වේ.

මොනිටරයක ප්‍රමාණය හා පළල හා උස අතර අනුපාතය. 
මෙය LCD හා CRT යන දෙකටම පොදු ආකාරයට කතා කරමු.
මොනිටරයක ප්‍රමාණය දක්වන්නේ අඟල් වලිනි. මෙය සෙන්ටිමීටර් හෝ මිලි මීටර් වලින් දැක්විය හැකි වුවත් තවමත් අඟල් ඒකකය භාවිතා වේ. මෙය ගණනය කරනු ලබන්නේ එහි විකර්ණයක දිග ලිසයි. එහි මොඩල් අංකය බොහෝවිට මෙම අගයෙන් නිරූපනය වේ.

රූපය 05 ගත්තේ මෙතනින්
http://static.ddmcdn.com/gif/monitor-crt-diagonal.jpg

උදාහරණයක් ලෙස E1912H යනු විකර්ණය අඟල් 19ක් වූ (ඉහත රූපයේ රතු පැහැ ඊතලය) මොනිටරයකි.

උස හා පළල අතර අනුපාතය අනුව මොනිටර් ආකාර දෙකක් වෙළඳ පොලේ බහුලව ඇත. මුලින් පැවතියේ 4:3 අනුපාතයේ මොනිටර්ය. ඉහත රූපයේ ඇත්තේ එවන් මොනිටරයකි. නමුත් දැන් ඇති LCD මොනිටර් සියල්ලම පාහේ 16:9 අනුපාතයේ පුළුල් තිර ඒවායි. (රූපය 03). සාමාන්‍ය භාවිතයට වඩා සුදුසු 4:3 අනුපාතයේ ඒවා වුවත් දැන් ඒවා වෙළඳපොලේ සුලභ නැත. නිශ්පාදනය වන්නේ සීමිත ප්‍රමාණයකි. මිළ වැඩිය.
4:3 අනුපාතයේ එකක් නම් සාමාන්‍ය භාවිතයට අඟල් 14, 15 හෝ 17 පමණ ප්‍රමාණවත් වන අතර ප්‍රමාණය වැඩි වන විට විදුලි පරිහරණය වැඩිය.
එහෙත් 16:9 අනුපාතයේ එකක් නම් අඟල් 17 හෝ 19 සාමාන්‍ය භාවිතයට වඩා සුදුසු වේ. මේවාද ප්‍රමාණය වැඩිවත්ම වැඩියෙන් විදුලිය වැය කරයි. මෙම මොනිටර් වර්ථමානයේ නිපදවෙන පුළුල්තිර චිත්‍රපට බැලීමේදී නම් වැඩි විශාල රූපයක් ලබාගැනීමට වඩා සුදුසු වේ. පැරණි වීඩියෝ/ චිත්‍රපට නැරඹීමට නම් 4:3 අනුපාත ඒවා වඩා හොඳයි.
4:3 අනුපාත මොනිටර් VGA, SVGA, XGA, SXGA ආදී ලෙස අඟලට ඇති පික්සල් ප්‍රමාණය අනුව වර්ග කර ඇත. (බහුලව භාවිතාවූ රෙසලූශන්)
16:9 අනුපාත මොනිටර් WSVGA, HD/WXGA, WXGA ආදී ලෙස වර්ගීකරණය කළ හැක.  HD/WXGA (720x1280 හෝ වැඩි) HD හෙවත් High definition ලෙසද හැඳින්වේ.
මොනිටර් ගැන තවත් බොහෝදේ කතා කළ හැකි වුවත් මේ ප්‍රමාණවත් කියා හිතනවා.

යතුරු පුවරුව / Keyboard
පරිගනකයක වැදගත්ම කොටස කී බෝඩ් එක කියා ඇතැම් අය කියනවා. මෙය නිවැරදි අර්ථකථනයක් නොවුනත් කී බෝඩ් එක නැතිනම් පරිගනකයෙන් ඇති වැඩක් නැති තරම්. පරිගනකයකට වැඩිම දත්ත ප්‍රමාණයක් ඇතුලත් වෙන්නේ කී බෝඩ් එකෙන්. නිකමට කල්පනා කර බලන්න දිනකට ලෝකට පුරා ඇති පරිගනක යතුරුපුවරු වලින් දිනකට ඇතුලත් කරන අකුරු ගණන. මා එය දන්නේ නම් නෑ. ඒත් එය ලියන්න නම් පහසු වෙන එකක් නෑ. ඒ තරමට කී බෝඩ් එකේ භාවිතය වැදගත්. කීබෝඩ් ආකාර 3ක් දක්නට ලැබෙන අතර සාමාන්‍ය ඩෙස්ක්ටොප් කීබෝඩ් එකක යතුරු (කී) 101ක් ඇතුලත්. එය Windows Keyboard එකක් නම් 104ක්.  එහෙත් ලැප්ටොප් / නෝට් බුක් ආකාරයේ එකක මීට අඩු අතර ප්‍රමාණයෙන්ද කුඩාය. ලැප්ටොප් කී බෝඩ් එක් එක් නිශ්පාදකයා අනුව යතුරු ප්‍රමාණය අඩු වැඩි විය හැක. මීට අමතරව අතේ ගෙනයන උපකරණ හා ජංගම දුරකථන වල ඇත්තේ කුඩා ප්‍රමාණයේ වෙනස් ආකාර යතුරු පුවරු වේ.
සාමාන්‍ය ඩෙස්ක්ටොප් හා ලැප්ටොප් වල යතුරු සැකැස්ම සම්මත ආකාරයකට වේ. සාමාන්‍ය ඩෙස්ක්ටොප් යතුරු පුවරුව පහද ආකාර වේ.

රූපය 06

මීට අමතරව වැඩි කී ප්‍රමාණයක් ඇති කීබෝඩ් ඇත. මේවා මල්ටිමීඩියා කී බෝඩ් ලෙස හැඳින්වේ. ඒවායේ ඇති ෂෝට් කට් මගින් කලින් සකස් කර ඇති ඇප්ලිකේශන් එක් වරම ඕපන් කල හැකිය.
උදාහරණ.
මීඩියා ප්ලේයර් එක රන් කිරීම, නැවතීම, ශබ්දය අඩු වැඩි කිරීම...

රූපය 07

මවුස් උපකරණය / Mouse
මෙයත් වැඩියෙන්ම භාවිතා කරන උපකරණයක්. පෙර පැවතියේ බෝලයක් කරකැවෙන විට මවුස් පොයින්ටර් එක ගමන් කරනා ඒවා වුවත් ඒවායේ ඉක්මනින් කුණු බැඳී නිසි ලෙස චලනය නොවී යනවා. එහෙත් දැන් ඇති අධෝරක්ත කිරණ මවුස් වල එවන් අපහසුතා ඇතිවන්නේ නෑ. සාමාන්‍ය මවුස් එකක බට්න් දෙකක් හා පිටුව ඉහලට හා පහලට පෙරළීමට රෝදයක් (Scroll Wheel) ඇත. මෙම වීල් එකට බට්න් එකක් මෙන් ක්‍රියා කරන අතර එය ක්ලික් කිරීමෙන්ද සමහර ෆන්ශන් භාවිතා කළ හැක.

උදාහරණ. මෙය ලින්ක් එකක් මත ක්ලික් කිරීමෙන් බ්‍රව්සරයේ අලුත් ටැබ් එකක ලින්ක් එකට අදාළ පිටුව ඕපන් කිරීම.

ස්පීකර් /Speaker
අප පරිගනකයක් භාවිතා කරන විට දැන් කාලයේ ඇති පරිගනක බහුමාධ්‍ය (Multimedia Computer) නිසා ශබ්දය ඇසීමට ක්‍රමයක් තිබිය යුතුය. මේ සඳහා විවිධ ආකාරයේ ස්පීකර් පද්ධති භාවිතා කරයි. බහුලවම හමුවන්නේ ඩෙස්ක්ටොප් ස්පීකර් වේ.

වඩා හොඳ ශ්‍රවණයක් වඩා සජීවීව ඇසීමට සරවුන්ඩ් සවුන්ඩ් සිස්ටම් ඇත.

තමාට පමණක් කිසිවෙකුට කරදරයක් නැතිව ඇසීමට අවශ්‍ය නම් හෙඩ්ෆෝන් එකක් භාවිතා කරන්න පුළුවන්.

මේවායි කැමති එකක් ඔබේ කැමැත්ත අනුව තෝරා ගන්න. අලුත් පරිගනක වල බොහෝවට පසුපස වගේම ඉදිරි පසත් ඕඩියෝ කනෙක්ටර් ඇති නිසා ඩෙස්ක්ටොප් හෝ සරවුන්ඩ් සිස්ටම් එකක් ඇතත් තනිවම අහන්න ඕනි නම් හෙඩ් ෆෝන් භාවිතා කරන්න පුළුවන්. එය සවිකල සැනින් පසුපස කනෙක්ටරය ඩිසේබල් වේ.
ලැප්ටොප් / නෝට්බුක් සඳහා හෙඩ්ෆෝන් භාවිතා කළත් ස්පීකර් ඒ තුලම අන්තර්ගත නිසා වෙනම අවශ්‍ය නැත. කැමතිනම් සරවුන්ඩ් සිස්ටම් එකක් භාවිතා කරන්න පුළුවන්.

Game Control
විවිධ පරිගණක ක්‍රිඩා සඳහා මේවා භාවිතා වේ. ‍ජෝයිස්ටික්(Joystick), ගේම් පෑඩ්(Gamepad), ෆෝස් ෆීඩ් බැක් (Force Feedback) මේ අතර වේ.

ජෝයිස්ටික්

ගේම් පෑඩ් එකක්

ෆෝස් ෆීඩ් බැක් එකක්

අප මේ ලිපියෙන් කතා කලේ අද කාලේ කොම්පියුටර් සඳහා භාවිතා වන උපාංග හා මීට සුළු කාලයකට පෙර භාවිතා කළ උපාංග ගැනයි. මේවාට අමතරව තවත් බොහෝ උපාංග ඇතත් ඒ සියල්ල විස්තර කරන්න අදහසක් නෑ. වැදගත් යැයි හැඟෙන සියල්ල පිළිබඳව ඉතා කෙටියෙන් අපි කතා කළ අතර මේ සමගින් හාඩ්වෙයාර් පාඩමේ පළමු අදියර අවසන් වෙනවා. දෙවන අදියර සමග නැවත කොම්පියුටර් හාඩ්වෙයාර් ගැන කතා කරමු.

එහෙනම් ගිහින් එන්නම්.
සුභ දවසක්....!!!

Computer Hardware පාඩම 09 (Part 02)

Expansion Cards පිළිබඳ පාඩම අතරමැදින් නතර කළා කියා ඔබලාට මතක ඇතැයි හිතනවා. කාලෙකින් ලියන්න ගත් නිසා පරණ ලිපි ලියූ ගැම්මෙන් එක වරම ආයෙම ලියන්න අපහසුයි. ඒ සුපුදුරු රිද්මය එන්න තව ටික දවසක් යාවි. එතෙක් හෙමින් ගමනක් යමු. එහෙනම් අද පාඩමේ ඉතිරි කොටස.

Modem Card

PCI Modem Card

අද ජාල ගත වෙන අයගෙන් වැඩිම ප්‍රතිශතයක් ඒ සඳහා යොදාගන්නේ Broadband සබඳතා. මේ සඳහා Router එකක් හෝ Dongle එකක්. එහෙත් දැනට වසර කීපයක් අතීතයට ගිය විට ඒ සඳහා භාවිතා කලේ Modem. Modem යනු modulator-demodulator යන්න කෙටියෙන් භාවිතා කරනා ආකාරයයි. මෙහි භාවිතය වන්නේ analog telephone signal digital codes වලට හැරවීම හා digital codes නැවත analog telephone signal වලට හැරවීමයි. මේවා විවිධ දත්ත හුවමාරු වේගයන් යටතේ නිපදවූ අතර වාර්ථා මෑත කාලීනව බහුලව භාවිතා වූයේ 28.8kbps සිට 56 kbps දක්වා ඒවායි. මේවායේ මූලික භාවිතය වූයේ අන්තර්ජාල සම්බන්ධතා ලබා ගැනීම හා Facsimile (FAX) සඳහා යොදාගැනීමයි. තවමත් Modem මගින් අන්තර්ජාල සේවා ලබාගන්න ස්ථාන ඇත. FAX සඳහා නම් තවමත් භාවිතා කරයි. මීට අමතරව මේ සඳහාම භාවිතා කරනා External Modem ඇත. එහෙත් මෙහි ඒ පිළිබඳ කථා කරන්නට බලාපොරොත්තු නොවෙමි. (රූපය බලන්න)

Network Card

මුල් කාලයේ පරිගනක වල මේවා මවු පුවරුවේ නොවූ අතර පසු කාලීනව Integrated Network Card දක්නට ලැබුනි. නමුත් සමහර මවු පුවරු වල තවමත් දක්නට නැත. පරිගනකය ජාලයක් හා සම්බන්ධ කිරීමට Network card එකක් භාවිතා කරයි. මේ සාමාන්‍ය භාවිතයට ගන්නා PCI Network card එකකි.

PCI Network card 

සර්වර් පරිගනක සඳහා නෙට්වර්ක් ඉන්ටර්ෆේසස් කීපයක් අවශ්‍ය වේ. ඒ සඳහා වැඩි දත්ත සම්ප්‍රේශණ වේගයක් සහිත පෝර්ට් ගණන වැඩි කාඩ් භාවිතා කරයි. ඒ එවන් කාඩ් එකකි.

දැන් රැහැන් රහිත පරිගනක ජාල බහුලය. ලැප්ටොප්, නෙට්බුක් පරිගනක වල Integrated wireless network තිබුනද ඩෙස්ක්ටොප් පරිගනක වයර්ලස් ජාලයකට සම්බන්ධ කිරීමට පහත ආකාරයේ නෙට්වර්ක් කාර්ඩ් භාවිතා කරයි.

Wireless Network Adepter

අද කාලයේ පරිගනක සෑම විටම අන්තර්ජාලය හා සම්බන්ධවී පවතියි. මේ නිසා මේවා බොහොමයක ජාලය හා සම්බන්ධ වන සම්බන්ධතාවය ඇති කරගන්නේ Network card එක හරහාය. මීට අමතරව Integrated card එක යම් හේතුවක් නිසා ක්‍රියා නොකරන පරිගනක සඳහා මෙවැනි Network card එකක් අමතරව සම්බන්ධ කිරීමෙන් නැවත ජාලයක් හා සම්බන්ධ වීමට හැකියාව ඇත.

TV/Radio Card

මෙය පරිගනකයට අත්‍යාවශ්‍ය අංගයක් නොවුනත් බොහෝ දෙනෙක් පරිගනක වල භාවිතා කල උපාංගයකි. රූපවාහිනා නාලිකා නැරඹීමට හා රේඩියෝ සඳහා සවන් දීමට මේවා භාවිතා විය. එහෙත් දැන් බොහෝවිට ඇත්තේ External Combo Box නමින් හැඳින්වෙන මොනිටරය හා කෙලින්ම සම්බන්ධ කළ හැකි බාහිරව භාවිතා කරන ඒවාය. 

Capture Card.

වීඩියෝ එඩිටින් සඳහා මේවා බහුලව භාවිතා කරයි. TV කාර්ඩ් වලද කැප්චර් කිරීමේ හැකියාව ඇතත් කැප්චර් කාඩ් වෙනම ඇත. මේවා වෘත්තීය වීඩියෝ එඩිට් කරන්නන් බොහෝවිට භාවිතා කරයි. මේ නවීන කැප්චර් කාඩ් එකකි.

තවත් මෙවැනි කාඩ් වර්ග ගණනාවක් ඇතත් ඒ සියල්ල සාකච්චා කිරීම ලිපිය අනවශ්‍ය ලෙස දිගු කිරීමකි. එනිසා Expansion Card පිළිබඳ සාකච්ඡාව මෙයින් අවසන් කරනවා. තවත් විස්තර අවශ්‍ය අයෙක් ඇතිනම් ඒවා පිළිබඳව විස්තර ලබා දෙන්නත් සූදානම්. 

සටහන.

සාමාන්‍යයෙන් මා සටහන් තබන්නේ මාගේ පෝස්ට් එකට අදාළ කරුණු පිළිබඳවයි. නමුත් බ්ලොග් අවකාශයේ එක් සුවිශේෂි භූමිකාවක් නිරූපනය කළ Observer හෙවත් සනත් විජේවර්ධන මහත්මා පසුගිය ඉරිදා සදහටම යන්න ගියා. ඔබ්සර්වර් මාමේ ඔබට නිවන් සුව ලැබේවා.

Computer Hardware පාඩම 09

Computer Hardware පාඩම යටතේ පසුගිය වසරේ අගෝස්තු 31 වෙනිදායින් පස්සේ කිසිම දෙයක් ලියන්න බැරි උනා. ආපු පිළිවෙලට ආවනම් මේ වන විට ඒ පාඩම් මාලාව ලියා අවසන්. අර දවසක් කතන්දර කීවා Writer block කයන ලෙඩේ මටත් හැදිලා වෙන්න ඇති. ලියන්න හිතෙන්නේම නෑ. ඒත් පසුගිය දවසක මාරයා තම පෝස්ට් එකකින් මගේ බ්ලොග් එක ගැන කීව අගය කිරීම නිසා මම මේ පාඩම් නොලියා සිටීමෙන් කිසියම් පිරිසකට යම් අසාධාරණයක් කරනවා යන සිතිවිල්ල ඇතිවුනා. ඒ නිසයි මේ පාඩම් මාලාවට නැවත අවතීර්ණ විමට කරන මේ උත්සාහය. බලමු මෙවර කලින් මෙන් පාඩම් සාර්ථක වෙයිද නැතිද? පාඨක ප්‍රතිචාර මොන වගේ වෙයිද කියා. එහෙම නම් අපි උපාංග හඳුනාගනිමින් සිටියේ. අවසන් ලිපියෙන් ලියවුනේ Hard disk පිළිබඳවයි. අද ඒතැන් සිට.
අපි Mother Board යටෙත් Expansion Slot ගැන කථා කළා ඔබට මතක ඇති ෙන්ද අද කතා කරන්න බලාපොරොත්තු වන්නේ Expansion Cards ගැනයි.

මොනවාද මේ Expansion Cards කියන්නේ.
අපි දැන් දන්නවා පරිගනකයේ Main board එක මත ඇති උපාංග වල සීමාවන් ඇති බව. එහි නැති කොටසක් අපට පරිගනකයට සවිකිරීමට අවශ්‍ය නම් ඒ සඳහා පහසුකම් අවශ්‍ය වෙනවා. ඒ සඳහා Main board එකේ ඉඩක් වෙන් කර තිබෙනවා. එම ඉඩ පහසුකම අප Expansion Slot නමින් හඳුන්වනවා. ඒවාට සවිකරන උපාංග අප විසින් Expansion Cards නමින් හඳුන්වනවා. මුල් කාලයේ බොහෝ උපාංග පැමිණියේ Expansion Cards ලෙසයි. නමුත් කල් යත්ම ඒවායින් බොහොමයක් On board (මවුපුවරුව මතම සවිකර) නිකුත් කළා. දැන් අප බහුලව භාවිතා කරනා Expansion Cards ගැන කෙටි විමසීමක් කරමු.

I/O Cards.

මේවා තරමක් පැරණි පරිගනක වල (උදා 80286, 80386, 80486) වල භාවිතා වුන අතර ඉන් පසු ඒවායේ Main board එක මත On board I/O ලෙස දක්නට ලැබේ. Hard disk controllers, Floppy disk controllers, Communication controllers (COM1, COM2), Parallel port (Printer port) බොහෝවිට මේවායේ ඇත. පසු කාලීනව මේවා Main board එකෙන් ඉවත් වුවත් දැනටත් මේවායේ භාවිතයන් ඇත. Main board එකට අලුතින් USB port එකතු කර ගැනීමට. අලුත් බෝඩ් වල IDE connectors ඇත්තේ බොහෝවිට එකකි. ඇතැම් විට එකක්වත් නැත. එවන් අවස්ථාවක අලුත් පරිගනකයට පැරණි IDE device එකක් සම්බන්ධ කිරීමට I/O card එකක් භාවිතා කළ හැක. තවත් මෙවැනි භාවිතා රැසක් ඇත.
උදාහරණ.

PCI-Express I/O card එකක්

අලුත්ම පරිගනක වල ප්‍රින්ටරය සඳහා Parallel port එකක් නැත. එහිදී ඉහත ආකාරයේ කාඩ් එකක් භාවිතා කළ හැක.

Video Card (Display Adapter)
Video card එකක් භාවිතා වන්නේ පරිගනකයේ ප්‍රතිදානය (OUT PUT) Display device එකක් මත (Monitor) ලබා ගැනීමටය. විවිධ slot සඳහා නිපදවුන Video card භාවිතා වුන අතර ඒවායින් ඉතා බහුලව භාවිතා වූ Video card වර්ග 4ක් පිළිබඳව මෙහි සඳහන් කෙරේ.

ISA Video card එකක්

PCI Video card එකක්

AGPI Video card එකක්

PCI-Express Video card එකක්

ඉහත දැක්වෙන්නේ මුල් කාලයේ සිට මේ දක්වා Video cards ආකාර 4කි. මේවායේ උප ආකාර කීපයක් පැවතිනි. උදා AGP 2.0, AGP 4.0 ආදී වශයෙන්. මුල් කාලයේ මේවා Main board එක මත දක්නට නොලැබුන අතර පසුව On board card එකක් ලෙස ඇත. එහෙත් තවමත් මේවා අපේ අවශ්‍යතාවය අනුව වෙනස් කිරීමට බෝඩ් එකේ ස්ලොට් එකක් ඇත. අලුත් පරිගනක ක්‍රීඩා, බහුලව ග්‍රැෆික් භාවිතාවන ප්‍රෝග්‍රම් සඳහා වැඩි ප්‍රෝසෙසින් හැකියාවක් හා වැඩි මෙමරියක් සහිත කාඩ් එකක් යොදාගන්නේ මේ පහසුකම නිසාය. එය ඔබ භාවිතා කරන ගේම් එක හෝ ප්‍රෝග්‍රම් එකේ මැනුවල් එකේ දක්වා ඇති ආකාරයට තෝරා ගැනීමට පුළුවන. සාමාන්‍ය කාර්යාලීය කටයුතු, ඉන්ටර්නෙට් භාවිතය සඳහා On board card එකක් ප්‍රමාණවත්ය.

Sound Card.
Sound card එකක් භාවිතා වන්නේ පරිගනකයක ශබ්ද ප්‍රතිදාන ඩිවයිස් (Sound output device) එක ලෙසයි. මේවාද මුල් කාලයේ පරිගනක වල දක්නට බැලුනේ නෑ. පසුව ISA Bus Sound card Expansion Card එකක් ලෙස භාවිතයට එක් වූවා. මේ එවැනි Sound card එකක්.

ISA bus Sound card එකක්.

මේවායේ අමතරව එක් IDE connector එකක් ඇත. මෙවැන්නක් සවි කිරීමේදී මෙහි IDE port එක භාවිතා කරනවානම් On board හෝ Expansion Card එකේ Secondary IDE port එක disable කළ යුතුය. Games සඳහා භාවිතා කරන Joystick සම්බන්ධ කරන game port එක  Sound card එකේම ඇත.

PCI Sound card එකක්.

ISA වලට පසුව PCI Sound card භාවිතයට පැමිණි අතර ඒවැනි card එකක් ඉහත රූපයේ ඇත. මෙහි IDE connector එකක් දක්නට නැත. මුල් කාලයේ PCI card එකක් නිසා මෙහි game port එක දක්නට ඇත. පසුව game controllers USB භාවිතා කිරීම නිසා දැන් අලුත් කාඩ් වල එය නැත. අලුතින් නිපදවන main board වල on board sound card ඇතත් විශේෂ අවස්ථා සඳහා මෙන්ම තත්වයෙන් උසස් sound effects ලබා ගැනීමට Expansion Card එකක් තවමත් භාවිතයට ගනී.

ඔන්න කාලෙකින් ආයිම Computer Hadware පාඩම් මාලාව ලියන්න ගත්තා. මාස 8කින් පමණ ලියන නිසා එක්වරම දිග පෝස්ට් එකකට යන්න අපහසුයි වගේ. ඒ නිසා මෙහි ඉතිරි කොටස මීළඟ පෝස්ට් එකෙන්. තවත් පෝස්ට් දෙකකින් හෝ 3කින් මෙම පාඩම් මාලාවේ පළමු කොටස අවසන් කරනවා. කලින් පෝස්ට් අමතක අයට හා අලුත් අයට පරණ Computer Hadware පාඩම් පෝස්ට් බලන්න මෙතනින් යන්න.

එහෙනම් අදට ගිහින් එන්නම්..
සුභ දවසක්...!!!!

Audacity සවුන්ඩ් රෙකෝඩ් කරන්න නොමිලේ සොෆ්ට් වෙයාර් එකක්

ඔබේ විවිධ අවශ්‍යතා සඳහා පරිගනකයට ශබ්ද රෙකෝඩ් කරන්නත්. ඒවායේ අඬ අඩු වැඩි කරන්න, මිශ්‍ර කරන්න සිදු වෙනවා නේ. ඒ සඳහා විවිධ ඇප්ලිකේෂන් භාවිතා කරනවා. මම අද කියන්න යන්නේ එසේ භාවිතා කරන් පුළුවන් නොමිලේ ලබා දෙන ඇප්ලිකේෂන් එකක් පිළිබඳවයි. මේ දිනවල බස් රේඩියෝව සමග කටයුතු කරන නිසා මටත් මෙයින් ගොඩක් ප්‍රෙයෝජන ගන්න පුළුවන් වුනා. මෙය හඳුන්වන්නේ Audacity නමින්. මෙය Windows, Linux මෙන්ම Mac OS සමගත් භාවිතා කරන්න පුළුවන් http://audacity.sourceforge.net/ වලින් නොමිලේම ඩවුන්ලෝඩ් කරගන්න පුළුවන්. එහෙත් මම ඔයාලගේ පහසුව වෙනුවෙන් මෙය මීඩියාෆයර් වලට දැම්මා. අවශ්‍ය අයෙකුට අදාල සියලු ෆයිල් මෙතනින් ගිහින් ඩවුන්ලෝඩ් කරගන්න පුළුවන්. lame_enc නමැති ෆයිල් එක පහසුවෙන් සොයා ගන්න නම් මගේ මීඩියා ෆයර් ලින්ක් එකෙන්ම ගන්න. එය MP3 ලෙස ඕඩියෝ ෆයිල් සදා ගැනීමට අවශ්‍ය වේ.

ඉන්ස්ටෝල් කිරීම පහත ආකාරයට කළ හැක.

පළමුව audacity-win-1.2.6 මගින් සොෆ්ට්වෙයාර් එක ඉන්ස්ටෝල් කරගන්න. ඉන්පසු ඉතිරි සපෝට් ෆයිල්ස් ඉන්ස්ටෝල් කරගන්න.

සාමාන්‍යෙයන් මෙය ඔබේ C:\ ඩ්‍රයිව් එකටයි ඉන්ස්ටෝල් වන්නේ. අවශ්‍ය නම් ඉහත වින්ඩෝ එකේදී ඩ්‍රයිව් එක මාරු කරන්නත් පුළුවන්. 

 ඉන්පසු ඉතිරි සපෝට් ෆයිල්ස් ඉන්ස්ටෝල් කරගන්න.

දැන් Audacity ලෝඩ් කර බලන්න. පහත ආකාරයට පෙනේ.

මෙයින් කරන්න පුළුවන් වැඩ ගොඩයි. එහෙත් මම අද කියන්න යන්නේ ඔබේ හඩ මයික් එකෙන් රැගෙන මෙයින් රෙකෝඩ් කරගන්නා ආකාරයයි. ඉන් පසු අපි එය MP3 ලෙස සේව් කරගන්නා ආකාරයත් බලමු. මෙසේ රෙකෝඩ් කරන්න Windows වලම Sound Recorder වලින් හැකියාව ඇතත් එයින් උපරිම තත්පර 60ක් පමණයි පටිගත කරන්න පුළුවන්. ඒ නිසයි මම මෙය තෝරාගත්තේ.

හොඳයි අපි දැන් කරන විධිය බලමු.

පරිගනකයට මයික්‍රෆෝනය සවි කර Audacity ලෝඩ් කරගන්න.  ඉන්පසු Record button එක ක්ලික් කරන්න.

රූපයේ ආකාරයට රෙකෝඩ් වනවා ඔබට පෙනෙයි.

 

රෙකෝඩ් කර අවසන් වූ පසු Stop button එක ක්ලික් කරන්න.

දැන් රෙකෝඩ් කර අවසන්. දැන් අපිට මෙය MP3 ලෙස Export කල යුතුයි. මෙහිදී  lame_enc නමැති dll ෆයිල් එක ( lame_enc.dll) අවශ්‍ය වන නිසා කලින්ම ඉහත Audacity ඉන්ස්ටෝල් කල ෆෝල්ඩර් එකට මෙම ෆයිල් එක කොපි කරගන්න. සාමාන්‍යෙයන් C:\Program Files\Audacity වලට යන්න. මෙය ඔබ වෙනත් ඩ්‍රයිව් එකක ඉන්ස්ටෝල් කලානම් අදාල තැනට කොපි කරගන්න. (එහෙත් මෙය මෙම ෆෝල්ඩර් එක තුලම තිබීම අවශ්‍ය නැත. ඔබට අවශ්‍ය ඕනෑම ලෝකල් ඩිස්ක් එකක තබා ගත හැකිය.

දැන් File මෙනු එකට ගොස් Export As MP3 තෝරන්න. එවිට අදාල ෆයිල් එක සේව් කිරීමට ලොකේෂන් එකක් හා ෆයිල් නේම් එක දෙන්න. ඉන් පසුව ප්‍රථම වරට පමණක්  lame_enc.dll ෆයිල් එක සොයයි. දැන් ඔබ අදාල ෆයිල් එක ස්ථාපනය කළ ලොකේෂන් එක සොයා ෆයිල් එක සිලෙක්ට් කරන්න. දැන් සියල්ල හරි. අවශ්‍ය නම් ෆයිල් ඩීටේල්ස් ලබා දෙන්න.

දැන් ක්ලිප් එක ප්ලේ කරල බලන්නකෝ. 

මෙයින් ගන්න පුළුවන් තවත් ප්‍රයෝජන නම් ගණනාවක් තියනවා. ඒවා එකින් එක උත්සාහ කර බලන්න. තවද මෙයටම අවශ්‍ය නම් Project--> Import Audio මගින් පසුබිම් සංගීතයක් මුසු කරන්න පුළුවන්. අනවශ්‍ය කොටස් කපා දමන්න. වෙනත් කොටස් එකතු කරන්න. ගොඩක් වැඩ කරන්න පුළුවන්. 

ඔන්න මම පොඩි වැඩක් කියනවා. කැමතිනම් මේ ඉරිදා අපේ බස් රේඩියෝවේ ආදරණීය නිශාන්තයට ඔබේම හඬින් ගීත ඉල්ලීමක් කරන්න පුළුවන්. මේ ආකාරයට MP3 ක්ලිප් එකක් සාදා request@buzzradio.lk වෙතට යොමු කලොත් අපි එය ආදරණිය නිශාන්තයෙන් විකාශය කරනවා.

එහෙනම් අදට ගිහින් එන්නම්.

සුභ දවසක්...

Computer Hardware පාඩම 08 .... (Hard disk drive-02)

හාඩ් ඩිස්ක් පිළිබඳ පාඩම තවත් ඉදිරියට ලියන්න සිතුනා. එයට ලැබුන කමෙන්ට් වලින් මට හිතුනා තව ටිකක් ඉදිරියට ලියන්න. 

හාඩ් ඩිස්ක් එකක ධාරිතාව (Hard disk capacity)

හාඩ් ඩිස්ක් එකක ධාරිතාවය පෙන්වන්නේ බයිට් (Byte) නමැති ඒකකයෙනි. 

1024byte = 1 KB (kilo byte)

1024 KB = 1 MB (Mega byte)

1024 MB = 1 GB (giga byte)

1024 GB = 1 TB (tera byte)

මේ අනුව හාඩ් ඩිස්ක් එකක ධාරිතාව මැනීමට බයිට් නමැති ඒකකය වුවද දැන් කිලෝ බයිට් මෙගා බයිට් වලින් හාඩ් ඩිස්ක් නොමැත. දැනට භාවිතයේ ඇති හාඩ් ඩිස්ක් එකක අවම ධාරිතාව 80GB පමණ වේ. එනම් දැනට නිශ්පාදනය කරන කුඩාම ධාරිතාව ඇති හාඩ් ඩිසක් එක මෙයයි. දැනට ඇති උපරිම ධාරිතාව 3TB වේ. එනම් දල වශයෙන් 3000GB පමණය.

භ්‍රමණ වේගය RPM (Revolution per minute) 

ඇතැම් අය මෙය  rotation per minute ලෙසද හඳුන්වයි. මෙයින් කියවෙන්නේ මෙහි ඩිස්ක් එක විනාඩියකට කැරරවෙන වාර ගණනයි. මෙය වැඩිවත්ම දත්ත කියවීමේ වේගයද වැඩිවේ. ඒ R/W head (කියවන හිස) එක පසුකරන වාර ගණන වැඩි වන නිසාය. දැනට භාවිතයේ ඇති ඩිස්ක් වල මෙම වේගය 7200ක් වේ. මීට ටික කලකට පෙර පැවති ඒවා භ්‍රමණය වූයේ විනාඩියට වට 5400ක පමණ වේගයකිනි. එහෙත් සර්වර් සඳහා භාවිතා වන SAS හාඩ් ඩිස්ක් වල මෙම වේගය 10,000 RPM හෝ 15,000 RPM පමණ වේ.

Disk Cache (Disk buffer)

මෙය කුඩා ප්‍රමාණයක මෙමරියකි. වර්ථමානයේ ඩිස්ක් වල භාවිතා වන්නේ 8MB-64MB අතර ප්‍රමාණයක් භාවිතා කරයි. මෙය ඩිස්ක් එක (තැටිය) හා Mother board එක අතර දත්ත හුවමාරුවට සම්බන්ධ වේ. 

සාමාන්‍යෙයන් ඩිස්ක් එකේ ඇති දත්ත කියවන්නේ වටයක් පැමිණ එම ස්ථානයට එන විටයි. එසේ වන විට යම් කාලයක් මෙහෙයුම් පද්ධතියට බලා සිටීමට සිදුවේ. එහෙත් ඩිස්ක් කෑශ් වල එම දත්ත අවශ්‍ය විට ලබා දීමට තාවකාලිකව පවත්වා ගනියි.

තැටි වලින් කියවන වේගය හා මෙහෙයුම් පද්ධතියට ඒවා අවශ්‍ය වන වේගය අතර පරතරය නිසි ලෙස කරමනාකරණය කරන්නේ මෙම මෙමරිය.

දත්ත හුවමාරු වේගය (Transfer Rate)

ඇත්තටම මෙහි වේග දෙකක් ඇත. එනම් ඩිස්ක් (hard disk platter) වල සිට Disk buffer එකට දත්ත හුවමාරු වන වේගය හා Disk buffer වල සිට Host එකට (Mother board එකේ) දත්ත හුවමාරු වන වේගයයි. නමුත් බොහෝ අවස්ථා වල Transfer rate එක ලෙස පෙන්වා දෙන්නේ Disk buffer වල සිට Host එකට දත්ත හුවමාරු වන වේගයයි.

ATA (PATA) ඩිස්ක් එකක  platter එකේ  සිට Disk buffer එකට දත්ත හුවමාරු වන වේගය 126 MB/s පමණ උපරිම අගයක් ගනී. ඒවායේ Disk buffer එකේ සිට Host එකට දත්ත හුවමාරු වන වේගය 100MB/s පමණය.

SATA ඩිස්ක් එකක Disk buffer එකේ සිට Host එකට දත්ත හුවමාරු වන වේගය 3Gb/s පමණ සිට 6Gb/s දක්වා භාවිතයේ පවතී.

SSD (Solid State Disk)

මොනවද මේ කියන්නේ. මේවායේ ක්‍රියා කාරිත්වය කලින් අප සඳහන් කළ සියලු ඩිස්ක් වලට වඩා වෙනස්. මේවායේ කරකැවෙන ඩිස්ක්, මෝටර් R/W Head ආදී කිසිවක් නැත. දත්ත ගබඩා කරන්නේ ඔබ දන්නා පෙන් ඩ්‍රයිව් නැතිනම් ෆ්ලෑෂ් මෙමරි වල ආකාරයටයි. මේවායේ කිසිම චලනය වන කොටසක් නැත. වේගය අතින් වැඩිය. නමුත් මිලෙන් වැඩිය. ක්‍රියා කිරීමේදී කිසිම ශබ්දයක් නිකුත් නොවේ.

හාඩ් ඩිස්ක් ගැන කලින් ලිපියේ සඳහන් නොවුරු තොරතුරු කීපයක්ම අද ලිපියෙන් කියන්න පුළුවන් උනා. එහෙම නම් අදට සමුගෙන යන්නයි සූදානම. මීළඟ ලිපිය සමගින් හමුවෙමු.
සුභ දවසක්..!!!

Computer Hardware පාඩම 08 .... (Hard disk drive)

ඔන්න වැඩි කාලයක් ගන්නේ නැතිවම ඊළඟ පාඩමටත් එන්න හිතුවා. ඉක්මනින්ම මේ පාඩම් ටික ඉවර කරමු නේද? 

අද අපි කතා කරන්න යන්නේ Hard disk drive ගැනයි.

මොකක්ද මේ Hard disk එකක් කියන්නේ?

Hard disk අයත් වන්නේ පරිගනකය තුල ස්ථිර ලෙස සවිකර ඇති ඩිස්ක් වර්ගයට (Fixed Disk) මේවා දත්ත ගබඩා කිරීමට ගන්නා බව දැනටමත් ඔබ දන්නවා ඇති. ඇත්තෙන්ම මෙය අයත් වන්නේ මෙමරි වලටමයි. මේවා non-volatile හෙවත් විදුලිය මත රඳා නොපවතින මතකය වේ. මෙහි චුම්බක (Magnetic) කල හැකි රසායන ආලේප කල තැටියක් පවතින අතර ඒහි ඩිජිටල් දත්ත සටහන් කරයි. මේ සඳහා කියවීමට හා ලිවීමට හැකි හිසක් (Read/Write head) ඇත. එමගින් මෙහි දත්ත සටහන් කිරීම හා නැවත කියවීම සිදු කරයි.

Hard disk ඇතුලත උපාංග පිහිටා ඇති ආකාරය ඉහත රූපයෙන් බලන්න.
පහත දැක්වෙන්නේ විවිධ ප්‍රමාණයේ හාඩ් ඩිස්ක් කීපයකි. මේවා නම් විකිපීඩියාවෙන් බලන්න වුවද ඔබට හැකිය.

මේවා අතරින් දැන් දක්නට ඇත්තේ පහත ප්‍රමාණවල හාඩ් ඩිස්ක් පමනි.

ATA Hard disk (Advanced Technology Attachment)
මේවා parallel ATA ලෙසද දැන් හැඳින්වේ. බොහෝ කලක් පැවති තාක්‍ෂණයයි. මේවායේ දත්ත හුවමාරුව සඳහා භාවිතා කරන්නේ 40 pin කනෙක්ටරයක් සහිත කේබලයකි. එය පටියක් වැනි කේබල් එකක් නිසා රිබන් කේබල් ලෙසින්ද හැඳින්වේ.

මේ ඒ සඳහා භාවිතා වන කේබල් එකයි.

මෙය 3.5" හාඩ් ඩිස්ක් එකක් හා කේබල් එකකි. ලැප්ටොප්/නෝට්බුක් සඳහා යොදාගන්නා 2.5" හාඩ්ඩිස්ක් සඳහා ඇති කනෙක්ටරයේ පින් 44ක් ඇත. ඒයට හේතුව ඒවාට විදුලිය සැපයෙන්නේද එකම කනෙක්ටර් එකෙන් වීම නිසාය. මේ එවැන්නකි.

SATA Hard disk (Serial Advanced Technology Attachment)
මෙවා 2003 දී හඳුන්වා දෙන ලදී. දැන් නිශ්පාදනයේ පවතින සියල්ල SATA ය. මේවා ඉහත වගුවේ ඇති ප්‍රමාණ සියල්ලෙන්ම නිපදවේ. දැනට SATA SATA revision 3.0 භාවිතා වන අතර එහි දත්ත සම්ප්‍රේශන වේගය 6 Gbit/s වේ.

මේ එහි නියම රූපයයි.

මේ SATA cable එකයි.

ඉහත රූපයේ වැඩි කනෙක්ශන් ගණනක් ඇත්තේ විදුලි සැපයුමට වන අතර අඩු කනෙක්ශන් ගණනක් ඇත්තේ ඩේටා කේබල් එකටයි. මේවා ලැප්ටොප් සඳහා භාවිතා වන 2.5" හාඩ් ඩිස්ක් සඳහාද වෙනසක් නැත. එනම් ඔබේ ඩෙස්ක්ටොප් එකට හදිසියකට ලැප්ටොප් හාඩ්ඩිස්ක් එකක් සම්බන්ධ කරන්න පුළුවන් Internal disk එකක් ලෙස.

මීට අමතරව හාඩ් ඩිස්ක් ගැන තවත් බොහෝ දේ මේ පාඩම් යටතේ ඉදිරියේ කියවෙනවා. පාටිශන් කිරීම, ෆෝමැට් කිරීම, ජම්පර් සෙටින්ග්ස් ඊට ඇතුලත්. මෙම පාඩමෙන් මම බලාපොරොත්තු වූයේ හාඩ් ඩිස්ක් එකක් භෞතික වශයෙන් හඳුන්වා දෙන්න පමණයි. තවත් විස්තර ඉදිරි ලිපි වලින් බලාපොරොත්තු වන්න.

එහෙනම් අදට පාඩම ඉවරයි. යන්න කලින් දවසේ ප්‍රශ්නය.

• හාඩ් ඩිස්ක් එකක් නිතර ෆෝමැට් කලාට කමක් නැද්ද? එසේ නැතිනම් අත්‍යවශ්‍ය අවස්ථාවක  හැර අනෙක් අවස්ථාවල ෆෝමැට් නොකර සිටීම වඩා සුදුසුද?

එහෙනම් ගිහින් එන්නම්. සුභ දවසක්..!!!

Computer Hardware පාඩම 07 .... (Microprocessor)

පරිගනකයක් ගැන කියන්න ගියාම බොහෝ දෙනෙක් අහන දෙයක් තමා ස්පීඩ් එක කීයද කියන එක. ඒ අතරින් සුළු පිරිසක් අහනවා මොකක්ද CPU ස්පීඩ් එක කියා. ඇත්තටම මොකක්ද මේ ස්පීඩ් එක කියන්නේ. මොකක්ද මේ CPU එක කියන්නේ. මෙය කොහේද තියෙන්නේ?

ඔව් අද අපි කතා කරන්න යන්නේ පරිගනකයක මොළය ගැනයි. මෙය තමා වැදගත්ම කොටස. මෙය තමා පරිගනකයේ අංක එක. එනම් මධ්‍යම සැකසුම් ඒකකය හෙවත් Central Processing Unit (CPU) එක ගැනයි.
මොකක්ද මේ Microprocessor එකක් කියන්නේ.
 Microprocessor යනු ඉලෙක්ට්‍රෝනික උපාංගයකි. එය සංගෘහිත පරිපථයක් හෙවත් integrated circuit එකක් වශයෙන් පෙන්වා දෙන්න පුළුවන්. එනම් එය තුල සම්පූර්ණ පරිපථයක් අන්තර්ගතව ඇත. සරලව විස්තර කරනවානම් කුඩා ට්‍රාන්සිස්ටර් මිලියන ගණනක් මේ හතරැස් අඟලකටත් අඩු උපාංගය තුල අන්තර්ගතය. එය බහු කාර්යය, ක්‍රමලේඛනය කළ හැකි (Programmable) රෙජිස්ටර මෙමරි ඇතුලත් උපාංගයකි. ඩිජිටල් දත්ත ලබාගෙන ඒවා ලබා දෙන උපදෙස් අනුව සකස් කර ප්‍රතිදානයක් (Out put) ලෙස අපට ලබාදේ. මෙම විධාන ප්‍රධාන මෙමරියේ ගබඩා කෙරේ.
දැන් අපි බලමු Processor වර්ග හා ඒවායේ විකාශනය කෙටියෙන්.
Vacuum tube මුල්ම පරම්පරාවේ පරිගනක වල භාවිතා විය.

ඉන්පසුව භාවිතයට පැමිණියේ ට්‍රාන්සිස්ටරයයි

මුල්ම මයික්‍රෝප්‍රොසෙසරය ලෙස Intel 4004 භාවිතයට පැමිණෙන්නේ 1971 දී. එය DIP වර්ගයේ සොකට් එකක් සඳහා නිර්මාණය වන්නක්.

මින් පසුව විවිධ ආකාරයේ Microprocessors භාවිතයට පැමිණි අතර ඒවා එකින් එක විස්තර කිරීම තවත් පාඩමක් ප්‍රමාද වීමට හේතු වන කාරණයකි. තවද සොකට් ගැන පාඩමේදී මම Processors ගැන විස්තරයක්ද කර ඇති නිසා නැවත ඒ පාඩම බලන්න මෙතනින්. (අවශ්‍යනම් පමණක්)

Processor එකක් ක්‍රියා කරන්නේ ඊට ගැලපෙන mother board එකක් මත පමණි. එය ක්‍රියා කිරීමට නිසි වෝල්ටීයතාවයක්, එහි FSB (Front side bus) සමග ගැලපීම අනිවාර්යය වේ. එනම් අප mother board එකක් මිළදීගන්නා විට එහි නිශ්පාදකයා එයට ගැලපෙන processor ගැන එහි උපදෙස් පොතේ පැහැදිලිව සඳහන් කර ඇත.
මීට අමතරව Processor සම්බන්ධයෙන් කිවයුතුම කරුණක් ඇත. එනම් දැනට භාවිතයේ ඇති සෑම Processor එකක්ම ක්‍රියාකිරීමේදී අධික ලෙස රත්වීමට ලක්වේ. ඒ නිසා නිසි පරිදි නිශ්පාදකයා නියම කරන ආකාරයේම සිසිලන පංකාවක් යෙදිය යුතුමය. Intel Processor සඳහා ඔවුන් විසින් සපයනු ලබන පංකාව තරම් වෙනත් ඒවා සුදුසු නැත.

මීට අමතරව අද කියන්න යන්නේ මේ දිනවල බහුලව භාවිතා වන Processor කීපයක් නම් කරන්නයි.
Intel
Intel Processor ලොව පුරාම ඉතා ජනප්‍රිය මෙන්ම බහුලවම භාවිතයේ ඇති Processor වර්ගය වේ.
Intel Pentium, Intel Core හා Intel Core i වර්ගයන් දැනට භාවිතයේ පවතී. මේවායින් නිශ්පාදන තත්වයේ ඇත්තේ  Intel Core i  processors ය.
මේ Intel Pentium  processor එකකි.

මේවා දැනට භාවිතයේ ඇත.
මේ  Intel Core වර්ගයේ processor එකකි.

මේවාද භාවිතයේ ඇත.
මේ  Intel Core  i7 වර්ගයේ processor එකකි.

මේවා දැනට ඇති අළුත්ම ඒවායි. Core i 3, Core i5, Core i7 බහුලවම භාවිතයේ ඇත. මේවායේ දෙවන පරම්පරාව (2nd Generation) දැනට නිකුත්වී වෙළඳපොලේ ඇත.

AMD  processors.
AMD වර්ගයේ  processors ගණනාවක් දැනට භාවිතයේ ඇත.  Intel වලට සාපේක්‍ෂව මේවාට ඇති ප්‍රධාන චෝදනාව අධික ලෙස රත්වීමයි. එහෙත් ශිත පරිසරයක මේවා වඩා කාර්යක්‍ෂම බව බහුතර මතයයි.
මේ AMD Phenom™ II වර්ගයේ processor එකකි

මේ AMD AMD Sempron වර්ගයේ processor එකකි

මේ බොහෝ ජනප්‍රිය AMD Athlon X2 වර්ගයේ processor එකකි

තවත් processors ගණනාවක් ඇතත් සියල්ල කියන්න ඉඩක් නෑ. වැදගත්ම දෙය නම් processor එක යනු පරිගනකයේ මොළයයි. අප ඇතුල් කරන සියලු දත්ත (Data) සකස් කර ඒවා අපිට භාවිතයට ගත හැකි තොරතුරු (Information) බවට පත් කිරීමේ ප්‍රධාන කාර්යය ඉටු කරන්නේ processor එක මගිනි.
නැවතිලාම වගේ තිබූ හාඩ්වෙයාර් පාඩම යලි පටන් ගත්තා. මීළඟ ලිපියෙන් හමුවෙමු.
සුභ දවසක්..!!!